ХАБЭМТөв “Зохистой хөдөлмөр-Үйлдвэрчний эвлэлийн зорилт, үйл ажиллагаа” сэдэвт сургалтыг хамтран зохион байгууллаа.

2019-11-20

 МҮЭХ, МХЕГ, ХАБЭМТөвийн мэргэжилтнүүд Европын холбооны “Монгол Улсад ажлын байрыг нэмэгдүүлэхэд дэмжлэг үзүүлэх төсөл”-ийн (SECiM)-ийн хүрээнд  “Зохистой хөдөлмөр-Үйлдвэрчний эвлэлийн зорилт, үйл ажиллагаа” сэдэвт сургалтыг Говьсүмбэр аймагт зохион байгууллаа. Уг сургалтад  Говьсүмбэр аймгийн төрийн болон аж ахуйн нэгж байгууллагууд анхан шатны үйлдвэрчний эвлэлийн хороодын дарга болон бусад төлөөлөл, МХГ, ХХҮГ-ын зарим албан хаагчид, зохион байгуулагчид хамрагдсан юм. Сургалтын үйл ажиллагааг Говьсүмбэр аймгийн ҮЭ-ийн холбооны дарга Д.Гантөмөр нээж, МҮЭХ-ны Ерөнхий нарийн бичгийн дарга Г.Адъяа, Мэргэжлийн хяналтын ерөнхий газрын Хөдөлмөрийн хяналтын хэлтсийн дарга Г.Эрдэнэтөгс, ХНХЯ-ны харъяа Хөдөлмөрийн аюулгүй байдал, эрүүл мэндийн төвийн ХАБУСҮАХэлтсийн дарга П.Энхтайван, Монголын Боловсрол, шинжлэх ухааны ҮЭ-ийн холбооны дарга З.Цогтгэрэл оролцлоо. Энэхүү сургалтын төгсгөлд   “Зохистой хөдөлмөр-ҮЭ-ийн зорилт, үйл ажиллагаа”-ны асуудлаар нээлттэй хэлэлцүүлэг өрнүүлж, эцэст нь аймгийн хэмжээнд болон ААНБ-ын түвшинд зохистой ажлын байрыг бий болгохын тулд нийгмийн түншлэлийн хүрээнд хийх ажлын талаар санал нэгтгэж, аймгийн хөдөлмөр, нийгмийн харилцааны гурван талт хэлэлцээр оруулах “Хөдөлмөрчдийн нийгмийн захиалга” баримт бичигт тусгах асуудлыг тодорхойлсон юм. 

 

Сэтгэгдлийг ачааллаж байна ...
Холбоотой мэдээ