“COVID-19”: Сэлэнгэ аймагт коронавируст халдварын 1 тохиолдол шинээр бүртгэгдлээ

2020-12-16

Эрүүл мэндийн яамнаас 2020 оны 12 дугаар сарын 16-ны өдрийн мэдээллээ хийлээ. Энэ үеэр ХӨСҮТ-ийн Тандалт, судалгааны албаны дарга А.Амбасэлмаа өчигдөр улсын хэмжээнд хийгдсэн коронавирус илрүүлэх шинжилгээний хариуг танилцуулав. Өчигдөр буюу 12 дугаар сарын 15-нд улсын хэмжээнд 12,711 хүнд шинжилгээ хийхэд нэг хүнээс коронавирус илэрчээ. Шинээр илэрсэн тохиолдол нь Сэлэнгэ аймагт батлагдсан тохиолдлын ойрын хавьтлын хүн байна.

Харин өнгөрсөн 24 цагийн хугацаанд Улаанбаатар, Дархан-Уул, Говьсүмбэр, Архангай, Орхон, Говьсүмбэр, Дорноговь аймагт нэмж халдвар бүртгэгдээгүй бөгөөд улсын хэмжээнд дотоодын халдварын нийт тохиолдол 465 боллоо гэдгийг ХӨСҮТ-ийн Тандалт, судалгааны албаны дарга А.Амбасэлмаа хэллээ.

Монгол Улсад бүртгэгдсэн коронавируст халдварын нийт тохиолдол 918 болсон.

Үүнээс

Эдгэрсэн 384

Нутаг буцсан 9

Эмчилгээнд байгаа 525

  • хөнгөн-473
  • хүндэвтэр-49
  •  хүнд-2
  • маш хүнд 1 хүн байна.

Дотоодод голомтлон гарч буй халдварын тоо 465: /2020.12.16-ны байдлаар/

  • Сэлэнгэд - 216
  • Улаанбаатарт - 140
  • Дархан-Уулд - 45
  • Орхонд - 25
  • Дорноговьд - 32
  • Говьсүмбэрт - 4
  • Архангайд - 3 батлагдсан тохиолдол байна.

Сэтгэгдлийг ачааллаж байна ...
Холбоотой мэдээ