“НОМИН ХОЛДИНГ” ХХК-ТАЙ ХАМТРАН АЖИЛЛАНА

Хөдөлмөрийн аюулгүй байдал, эрүүл мэндийн төвийн дарга М.Даваабат, “Номин Холдинг” ХХК-ийн Дижитал шилжилт,үйл ажиллагааны газрын захирал Д.Бямбажаргал болон бусад албаны хүмүүсийг хүлээн авч уулзан хамтран ажиллах санамж бичигт гарын үсэг зурлаа.

Санамж бичгийн хүрээнд хөдөлмөрийн аюулгүй байдал, эрүүл ахуйн тухай хууль тогтоомж дүрэм журам, мэргэжлээс шалтгаалсан өвчин, хөдөлмөрийн нөхцөлийн сөрөг хүчин зүйлсийн талаарх мэдээлэл зөвлөмжийг хамтран хүргэх ажлыг зохион байгуулах, хөдөлмөрийн аюулгүй байдал, эрүүл мэндийн талаар олон улсын сургалт, семинарт хамтран оролцох зэрэг бусад асуудлаар хамтран ажиллана.

Хөдөлмөрийн хамтын ажиллагааны санамж бичиг байгуулснаар хөдөлмөрийн хяналтын үр дүнтэй бүтэц, тогтолцоог бий болгож, үйлдвэрлэлийн осол, мэргэжлээс шалтгаалсан өвчнөөс урьдчилан сэргийлэх, ажилтнуудын амь нас, эрүүл мэндийг хамгаалахад бодит үр дүнгээ өгөх юм.